Почитувани,

Од декември 2009 година, С.В.-РСА започна со издавање на  списанието за деца „Бамбино“ на македонски јазик. „Бамбино“ веќе неколку години се издава во Хрватска, Босна и Херцеговина и Србија, a сега и во Македонија. Авторските права за издавање на списанието и видео материјалите на ДВД формат за Македонија ги откупи С.В.-РСА.

„Бамбино“ е месечник наменет за деца на возраст од четири до десет години и изобилува со едукативни содржини кои се прилагодени на возраста (приказни во слики, математички и логички задачи, боенки, рубрики за запознавање на животните и природата, лавиринти, цртежи со разлики, игри на табла, спојувалки, рубрика за технолошки изуми, спортска рубрика, енциклопедија за деца и др.).

Покрај печатената содржина, „Бамбино“ во секое свое издание подарува ДВД со видео содржини соодветни на возраста: сериски цртани филмови, филмувани литературни дела и документарни програми за деца од реномирани светски продукциски куќи. Сите програми се синхронизирани на македонски јазик.

Списанието “Бамбино” излегува еднаш месечно, во тираж од 5.000 примероци и се  продава на сите поголеми и помали продажни места.